Պայքարում եմ իմ լավ կյանքի, բարեկեցության համար․․նախընտրում ենք ապրել հեռու բացասական մթնոլորտից

BRAVO.am-ը գրում է․ Տարեվերջին Մանո եւ Սարգիս Գրիգորյանները մեկնել են Հայաստանից եւ բնակություն հաստատել Միացյալ Նահանգներում: BRAVO.am-ի հետ զրույցում Մանոն անկեղծացել է մեկնելու պատճառների, ամերիկյան կյանքի, իր ընտանիքի հասցեին չարախոսողների մասին, եւ ոչ միայն:

Ընտանիքից խոսելիս

– Մանրամասն ոչինչ չեմ ուզում ասել: Պատճառն այլակարծությունից վախենալը կամ խուսափելը չէ: Հասկացա, որ չարախոսներն ու չարակամները շատ դեպքում ազդում են ոչ թե ինձ վրա, այլ իմ հարազատների, բարեկամների վրա, ովքեր շատ ավելի ծանր են տանում մեր ընտանիքի մասին մեկնաբանությունները:

Անկեղծության եւ վատ մեկնաբանությունների մասին

– Հասկացել եմ, որ անկեղծությունն ու պարզությունը ոչ թե չի գնահատվում, այլ չի ընդունվում: Դիմացինը հաճախ չի մտածում, որ դու էլ հստակ կարծիք ունես այս կամ այն երեւույթների մասին ու կարող ես խոսել: Ոչինչ չեմ մեկնաբանում: Ապրում եմ այնպես, ինչպես ես եմ ուզում ապրել: Պայքարում եմ իմ լավ կյանքի, բարեկեցության, դրական էներգետիկ դաշտի, իմ ընտանիքի, հարազատների լավ լինելու համար: Իմ կյանքն իմն է, եւ ես եմ որոշում՝ որն է լավ կամ վատ ինձ համար: Ոչ ոք իրավունք չունի ասելու ինձ, թե ես ինչպես ապրեմ:

Մեր կյանքում ընտրությունը կարեւոր դեր ունի: Թող մարդիկ այնքան գիտակից եւ հոգեւոր ներքին կուլտուրա ունենան, որ հասկանան, չքննադատեն դիմացինին: Անպայման չէ ասել՝ լավ կամ վատ ես արել: Կարելի է պարզապես չխանգարել: Բացասական մեկնաբանություններ տեսնելիս մտածում եմ՝ ինչքան վատ ու չար բան կա նրանց մեջ կուտակված:

Կյանքն օվկիանոսից այն կողմ

– Հարմարվում ենք այստեղի կյանքին: Երեխաներն էլ արդեն համակերպվել են:
Դժվարություններից, դժգոհություններին չեմ ցանկանում անդրադառնալ: Հանդիպել ենք թե՛ դրական, թե՛ բացասական երեւույթների, մարդկանց: Կյանք է, այդ ամենն ինձ համար շատ բնական է: Ամենադժվարն այն է, որ ծնողներից, ընկերներից եմ հեռու, իսկ մնացածը ժամանակի հարց է:

Թե ինչ կլինի, կերեւա հետո: Կվերադառնանք այն ժամանակ, երբ կվերադառնանք: Հուսամ՝ այդ օրը շուտ կգա: Այս շրջանում նախընտրում ենք լուռ մնալ եւ ապրել հեռու բացասական մթնոլորտից: Ժամանակն ամեն ինչ տեղը կգցի, եւ բոլորս կունենանք այն, ինչին որ արժանի ենք:

Շնորհակալ լինելով

– Իմ բոլոր դժվարությունների դեմ պայքարում եմ սիրով: Յուրաքանչյուր չարախոսին շնորհակալություն եմ հայտնում, որովհետեւ ուժ են տալիս, որպեսզի պայքարեմ երազանքներիս համար: Շատ եմ ուզում, որ այդ չարախոսները կյանքում այնքան հաջողություններ ունենան, որ ժամանակ չունենան քննարկելու, թե ով ինչ ասաց:

 

Понравилась статья? Поделиться с друзьями: